Pri mi

Saluton! Ĉipaĝe vi trovos personan informon pri mi kaj ĉi tiu blogo. Mi nomiĝas Mariano, mi estas argentinano kaj studanto.

Mi komencis ĉi tiun blogon antaŭ multaj jaroj, en 2009, kiam mi estis adoleskulo. Ne estis multe da enhavo, nur tri afiŝoj kaj ĉi tiu paĝo kun kelkaj stultaĵoj. Poste mi starigis blogon en konto de senpaga servilprovizisto kaj forlasis ĉi tiun. Tiu alia blogo ne vivis dumlonge, eble unu aŭ du jaroj maksimume; la domajno pereis kaj mi ne certas, ĉu la servilkonto ankoraŭ havas la enhavon (mi devus iam serĉi). La jaroj pasis kaj pasis. En Majo 2017, mi pensis pri ree havi blogon; do mi rememoris tiun ĉi kaj revenis. Danke al la servilo WordPress.com, ĝi ankoraŭ ekzistas tute bone; mi sukcesis reensaluti en ĝi kaj komencis ĝian revivigon.

Kelketaj fruaj ideoj

Mi amas la komputosciencon ekde mi naskiĝis. Unue mi vindozumis ĝis la jareko de 2007, kiam mi ekuzis la operaciumon GNU/Linukson. Mi daŭre uzas ĉi tiun operaciumon. Kune kun ĝi, mi konis la movadon pri programara libereco, en 2006, kaj mi ĉiam taksis ĝin tre grava afero.

Aliflanke, kiam mi ekiradis la mezlernejon kaj mi ekhavis anglan kaj francan kursojn, lingvoj ekinteresis al mi. Ekde tiam mi ŝategas lerni lingvojn, koni rilataĵojn inter ili, historion kaj tiel plu. Plie, lingvoj estas pordo por koni aliajn kulturojn kaj vidi la mondon el aliaj vidpunktoj. Menciindas Esperanto, lingvo planita por esti monde internacia: ne nur ĝi estas mirinde simpla, sed ĝi ankaŭ havas gravan idearon, movadon kaj komunumon, kiuj ĝin subtenas vive. Do por skribi tiun ĉi blogon mi uzas tiun ĉi belegan lingvon (verŝajne vi jam rimarkis tion).

Kie vi trovu min?

Vi povas skribi retopoŝtan mesaĝon al mi. Mia ĉefa adreso estas mctpyt ĉe openmailbox punkto org (anstataŭigu «ĉe» per «@» kaj «punkto» per «.»). Mi ĝoje legus kaj respondus al vi, se via mesaĝo estus bonintenca kaj vi bone uzas la lingvon :). Ne nur Esperanton vi povas uzi, ĉar mi ankaŭ komprenas etnaj lingvoj kiel Ido, Interlingua, la hispana, la portugala, la franca, la angla kaj iom la itala kaj la germana, sed memoru ne skribi malbone per tiu lingvo, kiun vi elektas, kiam vi povas skribi pli bone (t.e.: respektante la gramatikajn regulojn kaj nemiksante kelkajn lingvojn).

Advertisements

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out / Ŝanĝi )

Twitter picture

You are commenting using your Twitter account. Log Out / Ŝanĝi )

Facebook photo

You are commenting using your Facebook account. Log Out / Ŝanĝi )

Google+ photo

You are commenting using your Google+ account. Log Out / Ŝanĝi )

Connecting to %s